Tuesday, March 30, 2010

"आपण आपलं आपलं जाऊ.."

सहज म्हणून एकदा एका चांगल्याशा हॉटेल मध्ये गेलो होतो. जेवण झाल्यावर लिफ़्टपाशी आलो तर एक लहान मुलगा तिथे रेंगाळला होता. एकदम निवांतपणे, आजूबाजूला काय चाललंय याचा अजिबात विचार न करता त्याचं स्वतःशी काहीतरी गुणगुणत खेळणं सुरू होतं. आम्ही त्याला मध्येच खेळात disturb न करता त्याचे आईबाबा कुठे दिसतायत का ते पाहीलं पण ते लगेच काही दिसले नाहीत. मग आमची लिफ़्ट्मध्ये आत जाण्याची वेळ आली तेव्हा तोही आमच्या बरोबर आत यायला लागला तर त्याची आई कुठूनशी आली आणि त्याला म्हणाली, " चल बेटा, त्यांच्यात नको जाऊ. आपण नंतर आपलं आपलं जाऊ, ये इकडे." तो त्याच्या आईचा हात धरुन मागे झाला.

लहान मुलं त्यांच्या आई-वडीलांकडे बघून, त्यांचं अनुकरण करत करत शिकतात म्हणे. तो मुलगा काय शिकला असेल त्याच्या आईच्या या बोलण्यातून?- हे ‘आपलं आपलं’ नावाची काहीतरी भानगड असते हे की घरातल्या माणसांखेरीज अन्य माणसांशी शक्यतो जवळीक करायची नसते हे की संशय, संकुचितपणा की आणखी काही?
कुणास ठाऊक काय शिकला? आपल्याला काय करायचंय? ते त्यांचं त्यांचं पाहूदेत, आपण आपलं आपलं पाहू..
(माझ्यात ही ‘आपलं आपलं’ म्हणजे काहीतरी वेगळं असण्याची भावना कितपत आहे?- तीव्र, मध्यम की कमी? शोधायला हवं.)

5 comments:

  1. This is the Example of " Recursion " .[(mathematics) an expression such that each term is generated by repeating a particular mathematical operation ].....Kinwa Agadi Soppa ...VIHIR chi status Line...."KATHAVARUN TAL MOHAVATO, ANI TALATUN KATH...." !!

    ReplyDelete
  2. general post ahe pan changali ahe. saadhee, saraL. 'Blog' ya maadhyamaalaa suitable likhaaN.
    Avadhoot

    ReplyDelete
  3. aapan aapal lihu.

    ReplyDelete
  4. Hi bhavana lokan madhye yet chalali aahe he khare pan apan lihilelya prasangat tumhi kiti jan hotat he samajale nahi tyamule tumhala padale kya prashana war wichar karawa sa watato. Mhanaje tumhi jast lok asal ani lift chya wajanachya niyam anahera he asel tar tya aai che watat mala kahihi chuk watat nahi ulat pakshi tine tyala thamba yala ni number zalyawar jayala shikavale he nakki.

    ReplyDelete
  5. Hi bhavana lokan madhye yet chalali aahe he khare pan apan lihilelya prasangat tumhi kiti jan hotat he samajale nahi tyamule tumhala padale kya prashana war wichar karawa sa watato. Mhanaje tumhi jast lok asal ani lift chya wajanachya niyam anahera he asel tar tya aai che watat mala kahihi chuk watat nahi ulat pakshi tine tyala thamba yala ni number zalyawar jayala shikavale he nakki.

    ReplyDelete